انتى بنت لكن انا ولد
دى الكلمه اللى بيقولها معظم الصبيان للبنات يروح يكلم بنات او يصاحب براحته ولما تيجى هى تكلم ولد يزعقلها تقولها منتا بتعمل كده يقولها انا ولد وانتى بنت
يعنى ايه ولد يعنى يعمل اللى هو عايزه براحته؟؟
البنت مش تكلم غيره وهو يكلم براحته
طيب ع اساس ان البنت دى معندهاش احساس زيه
لما تكلم ولد مثلا هو هيغير عليها
ولما هو يكلم بنت عادى
طيب ع اساس ان البنت دى معندهاش احساس زيه وبتحبه وبتغير عليه زى ماهو بيغير عليها
انا مش بقول ان الاتنين يكلموا براحتهم لكن المفروض ان البنت اللى مرتبطه بولد تحافظ عليه ومش تكلم صبيان غيره والولد هو كمان يحافظ عليها ومش يكلم بنات غيرها بحجه انه ولد
يعنى هو لو قدرها هتقدره
وكمان ربنا مفرقش بين البنت ولد فهو حرام ان البنت تكلم صبيان زى ماحرام ان الولد كمان يكلم بنات
ربنا مقالش ع البنات حرام والصبيان حلال وربنا اعلم مننا كلنا
الزانية والزاني فاجلدوا كل واحد منهما مائة جلدة
والسارق و السارقة فاقطعوا أيديهما جزاء بما كسبا
يعنى ربنا ساوى بين راجل وست
عرفه طبعا ان فيه ناس هتدخل تقولى دى من علامه يوم القيامه تساوى بنت بولد ازاى ونتى لو كنتى عندنا فى البلد كانوا طخوكى والكلام ده هههههههه
انا طبعا مش بقول ان البنت زى الولد فى كل حاجه
لا طبعا بنت يعنى انوثه غير الولد وربنا فرقهم فى حجات كتير تانيه لكن انا بتكلم فى نقطه محدده
يعنى اوكى لبس البنت غير لبس الولد ريبنا فرض ع المراة الحجاب وفى حجات تانيه كتير مختلفين فيها لكن فى النقطه دى انا شيفه ان هما زى بعض فيها
يعنى زى ما الولد لما يرتبط ببنت حقه انها حتى مش تكلم و لا تبص لحد غيره
وهى كمان حقها انه ميبصش لاى واحده غيرها لا صحوبيه ولا بتاع
عيزة اسمع رايكم فى الموضوع ده
موضوع: انتى بنت لكن انا ولد 
