@@ احبــــ,,ـــك @@

أحبك كثر ماقد صار احبك رغم ماصار
أحبك كثر مادنيا الزعل والصد مهجوره
احبك ماتمطر بصدري من غلاك امطار
احبك كثر ماصارت اراضي العشق ممطوره

أحبك كثر ماتفتح شبابيك الربيع ازهار
احبك كل ماغنت عشان الصبح عصفوره
أحبك كثر ماتوقف على جنب الطريق اشجار
احبك كثر مايقسى الشتاء وتهاجر طيوره

احبك كثر ما في الارض ولد يلفت الانظار
واحبك كثر مايرتاح عطر بصدر مغروره
احبك كثر ماجاب للمساكن اعطته زوار
احبك كثر ماجانا صباحك يشبهك نوره

احبك كثر ماتهدي كفوف الوصل من تذكار
واحبك كثر ماشالت ايدين العاشق زهوره
احبك كثر مانقرا عن الفارس عن المغوار
احبك كثر مانسمع ولاشفنا ولا اسطوره

احبك ماتلعب الدنيا بالعاشقين اقدار
احبك كثر ماال الحظ دايم يعلن قصوره
احبك ماعافت كثر رياحي بحسبة البحار
واحبك كثر ما يعشق البحار نسمة بحوره

احبك كثر ما جاب المسا بمعطفه زوار
احبك كثر مافي الناس ناس جد معذوره
احبك كثر ماملت قصايدنا من التكرار
احبك كثر ما الشاعر تمنى حب جمهوره

احبك ماشفنا على وجه الزمان آثار
احبك كثر مافي الارض فقر وناس ميسوره
احبك كثر مادارت بذهن الحالمين افكار
احبك كثر مافي الخير ناس للخير مذكوره

احبك كثر مانحكي حكايات الحطب للنار
احبك كثر ماقلنا عن الاحوال مستوره
احـبك كثر مانجهل متى توقف بنا الاعمار
احـبك كثر مانسمع حكايا حب مشهوره

احـبك ماضاق السجين بلعنة الاسوار
احبك كثر ماهاج البحر واجتاحته ثوره
احـبك كثر ماننسى واحبك كثر ما نحتار
احـبك كثر مايسهر محب وفي ايده صوره

احـبك كثر ماتقطع شفاتك في العسل مشوار
احـبك كثر ماخدك يخلي الشمس مبهوره
احـبك كثر ماروج عليك الحسن من اخبار
احـبك كثر ماصدرك يدوخ الورد بعطوره

احـبك كثر مافي عينك من السحر اغوار
احـبك كثر مافيك الغلا ماوفت قصوره
واحـبك للزمن ساكن واحبك لو زماني دار
احـبك يامدينة حب وسط الصدر معموره

احبك والتفت شاعر لعينك وامطرت اشعار
حلف مايمسى الليله قبل مايكتب شعوره
ورتبتك بصدري وانت تستاهل وراعي دار
تفضل قلب اوراق الغلا وايديك مشكوره

تفضل لو انت مثلك ذكرت تهلت الانوار
وقمت اجمع من اشواقي قصايد عشق منثوره
تلذذ بالجمال وقلت ابهديك القصيدة إجرار
غلاك وصدق حبك ماترك لي نفس مكسوره

انا عاشق جمال وماخفالي في الجمال اسرار
انا لان كتبت اعطيك واعطي العشق بقدوره
كتبت في القصيدة ابيات من حسنك عليك تغار
حروف العشق طفله في ثياب العيد مسرور

لقيتك والدلع والثقل شله والحسن ثرثار
ويقول اشياء كثيره للعيون ويثبت حضوره
كفايه لو تطل ويفرح بطلتك دار الجار
كفاية لو تشوف الناس بنظرتك معسوره

احبك
ثم احبك
ثم احبك
ثم احبك
رغم ماقد صار ..
احبك حيل مهما صار ..
احبك دام انا طيب واراضي العشق ممطوره

اعـذب كـلام الحـب كلمـه أحـبـك
لاقلتها لي ياهوى النفس باحسـاس
وارق كلـمـه ياحبيـبـي بقلـبـك
انسى بها نفسي على طول والنـاس
احـب تنطقهـا الـى جيـت جنـبـك
اربع حروف عطرها فـوق الانفـاس
ينتابنـي منهـا شـعـور بقـربـك
حروفها عقـد ومنظـوم مـن مـاس
أسلوبك اللي شدنـي فـوق دربـك
يطرد عن أيامي معك نظره اليأس
ياخـف دمـك قلبـي الـلـي يحـبـك
فيك الحلى يا فاتني مالـه قيـاس
من صادق إحساسـي أحبـك وأحبـك
من حافة اقدامي الى هامة الرأس

احبك جدا
احبك جدا وأعرف اني أعيش بمنفى
وأنت بمنفى..وبيني وبينك
ريح وبرق وغيم ورعد وثلج ونار.
واعرف أن الوصول اليك..اليك انتحار
ويسعدني أن امزق نفسي لأجلك أيتهاالغالية
ولو..ولو خيروني لكررت حبك للمرة
الثانية

يا من غزلت قميصك من ورقات الشجر
أيا من حميتك بالصبر من قطرات المطر
أحبك جدا واعرف أني أسافر في بحر عينيك دون يقين
وأترك عقلي ورأيي وأركض..أركض..خلف جنوني
أيا امرأة..تمسك القلب بين يديها
سألتك بالله ..لا تتركيني
لا تتركيني
فما أكون أنا اذا لم تكوني

أحبك
أحبك جدا ..وجدا وجدا وأرفض من نار حبك أن أستقيلا
وهل يستطيع المتيم بالحب أن يستقيلا
وما همني..ان خرجت من الحب حيا
وما همني ان خرجت قتيلا