( قصيدة ) رد على تهديد اسرائيل لمصر باعلان الحرب واحتلال سيناء هى اسرائيل نسيت اللى حصل لها ولا اية

(البداية )
البداية كان وعد بلفور
للاسى يزداد ويكتر
يملا قلب الامة غدر يشتريها بكل مكر
بعد اغتيالة لكل حر
عاش المرض جوا الوطن
بعد الوعود قرب سكن
بدات معاه كل الفتن
من غير خطط رحنا ننقذ فلسطين
اتهزمنا عام 48
يا سلام يا مصر معاكى الله المعين
شيلتى القضية والهزيمة مرتين
مرة عام 56 والتانية عام 67
العار لحقنا فى ارضنا وسينا ضاعت مننا
مع كام بطل راح شهيد من اهلنا
بدانا نستنزف جهودهم
وكل البشر كدب وعودهم
واتعاهدنا اننا ننهى وجودهم
فضلنا ست سنين فى عار
قاعدين نصلح الانكسار
حالفين نرد العار دمار
كان كل ام ضاع منها ابنها
مع ابن تانى راحت تجدد عهدها
اياك تعود غير بسينا كلها
او بالشرف تموت شهيد فى حضنها
موت ويا اخوك جوا ترابها وارضها
يوم 6 اكتوبر قام كل الوطن
نفض تراب الحزن والوهن
قام ينتفض لكل ام ينهى الشجن
خدنا بطار الامهات والابهات
حق الشهيد حق الدموع حق الاهات
( الكاتب عربى زغلول)