السلام عليكم ورحمة الله وبركاتة
ازيكم عاملين اية ؟؟
يارب تكونوا كويسين وبخير
انا جيالكوا النهاردة بموضوع استفزنى
طبعا كلكوا عارفين وسمعتوا عن انفلونزا الخنازير ومنع التجمعات الى بتسبب الانفلونزا
وكلنا طبعا عرفنا موضوع الغاء الحج والعمرة لكبار السن علشان الانفلونزا دى
ولاحظوا منعها لكبار السن فقط والشباب لا
وطبعا كلنا سمعنا عن الشابة الى مش تمت 25 سنة وكانت ف العمرة ولما رجعت مصر ماتت بانفلونزا الخنازير
وطبعا كلنا سمعنا عنالغاء الاحتفال بالمولد النبوى الشريف
كل دة علشان انفلونزا الخنازير
كلة هيسال دلوقتى اية الى يستفز ف الموضوع دة خوف على الشعب المصرى
انا ممكن اسال سؤال؟؟
هما لية ملغوش الحفلات الى فيها تجمعات؟؟
لية ملغوش عرض االفلام ف دور العرض؟؟
لية ملغوش ماتشات الكورة؟؟
لية ملغوش عرض المسرحيات ف المسرح؟؟
لية ملغوش الافراح ف الاماكن المغلقة والى عايز يعمل فرحة يعملة ف اى قاعة اوبن اير؟؟
موش كل دى تجمعات ولا انا غلطان
بذمتكوا دة اسمة كلام يلغوا الحج والعمرة وميلغوش الحاجات دى كلها
اى منطق يقول كدة ؟؟
اناعندى اموت وانا ف بيت ربنا او وانا راجع منة احسن مليووووووووووووووووووووووووووون مرة انى اموت وانا ف حفلة او ماتش او بتفرج على سينما
يارب دة اسمة كلام الى بيحصل دة
طب مهو انا لما دورت الموضوع ف دماغى لقيت ان ممكن يكون ف حل
ان الناس تلتزم بالكمامات ف اى منطقى فيها تجمعات ويعملوا عقوبات وغرامات الى هيخالف الموضوع دة
ولازم تكون ف عقوبات لاننا شعب محتاج كدة محتاج حد يجبرنا على الكلام دة
زى بالظبط موضوع حزام الامان ف العربيات قبل مايعملوا مخالفة على الى مش هيلبس حزام الامان مكنش حد بيحطة
اهو بالظبط نفس الموضوع لازم عقوبة على الى مش هيبلبس الكمامات ف اى منطقة فيها تجمعات
او لو هيلغوا الحج والعمرة يلغوا باقى الحاجات الى فيها تجمعات دى
انا بتكلم معاكوا هنا لان الموضوع استفزنى
لكن ياترى مين ممكن يسمع الكلام دة من المسؤلين ويهتم بية
ف راى الاعلام هو الى ممكن يوصلة للمسؤلين بدل البرامج التافهة دى
يهتموا بمشكلة مهمة افيد
نا نفسى حد يدخل يقولى انى مكبر الموضوع ويقنعنى بالى بيحصل دة بجد اتمنى انى اكون غلط واتمنى ان حكومتنا تكون بتفكر صح
يمكن يكون ف حاجة تايهة عنى ؟؟يمكن ؟؟ الله اعلم
ف اخر التوبيك عايزة انهية بدعاء
اللهم نسالك الجنة ونسالك اى عمل يقربنا اليها
ونستعيذ بك من النار ومن اى عمل يقربنا اليها
اللهم ارزقنا الهدي والتقي والعفاف والغني
موضوع: حاجة تستفز اى مسلم........... 
