السلام عليكم ورحمة الله وبركاته
أزيكوا يا جماعه واحشني كلكم
يارب يكون رمضان علينا سعيد يارب
أنا النهارده بجد عايز اتكلم وأسالكوا في حاجه
أنا فكرت كذا مره في الموضوع ده وفعلا دماغي تاهت ووجعتني وضاعت مني ولقيت الموضوع ده هايكون كبير أوي أوي اوي وصعب جدا
موضوع أيه ... وانا أقصد ايه ؟؟
أكيد الكل بيسأل
أنا عايز أسأل سؤال واحد فقط ويارب
يارب
كل المنتدى يدخل ويرد علي السؤال ده
وأعرف كل واحد هايعمل أيه بجد
الموضوع والسؤال هو
هاتعمل أيه لو بقيت رئيس جمهورية لأسبوع واحد
تخيل كده
هاتعمل أيه ياترى ؟
هاتصلح المواصلات
هاتكبر رغيف العيش
هاتصلح الكباري
هاتزود الدعم
هاتعمل جمعيه لمحدودي الدخل
هاتعمل أيه في الزياده السكانيه (هاتمنع يوم الخميس ) ... سوري
هاتقبض على المجرمين
هاتمنع الخصخصه اللي بيعتنا البلد
هاتشيل الوزاره ... وياترى هاتعين مين
هاتشوف الكهربا و المياه وتوصلها للريف
هاتبني مدن جديده وتعمر الصحرا وتشوف احوال الريف والعشوائيات
ده كله غير الخطر الخارجي بقه
أكيد كله عارف أقصد أيه
أنا مش هاوجع راسكوا بالكلام الكتير
بس طلبي أن كل واحد يقولي هايعمل أيه وهايتصرف ازاي
خدوا بالكوا
المده أسبوع بس
أو ممكن تزود المده لشهر لو هاتعمل خير وتنفع البلد
أسيبكوا تجاوبوا وياريت أعرف كل واحد بيفكر أزاي
وعقله وأحلامه ايه
ويارب كل المنتدى يرد عليا يارب
أشوف بقه التوبيك عجبكوا والا أيه رايكوا
يلا سلام
ورمضان كريم
موضوع: لو بقيت رئيس جمهورية لمدة اسبوع واحد, هاتعمل أيه >بجد 
