لسلام عليكم ورحمه الله وبركاته
موضوعي ممكن تحسوه غريب شويه من العنوان بتاعه
اديني بوسه وانا اديلك قرش
دي جمله كتير بنسمعها من الاب والام والخال والعم والأجداد
للأطفال الصغيرين
الجمله دي علي فكره بجد خطيره جدا
لاننا بنزرع في نفوس الاطفال من صغرهم حب المال لأن الطفل ممكن يفهم أن البوسه دي ليست لحب الاهل له ولكن البوسه دي عشان ل لها مقابل وهو المال
كلنا بحاجة للمال لكن المشكلة عندما يتحول المال من وسيلة إلى هدف
ودي بقي الكارثه
عارفين ليه لأننا بنخليهم يعملوا حاجات هما مش عاوزينها عشان ياخدوا فلوس
بنعلمهم الطمع والجشع وحب المال من صغرهم
ونرجع نقول العيب علي الحكومه والمجتمع والمصاريف والشغل ومش عارف ايه
فعلا العيب فينا احنا بقينا بننظر للمال نظره غلط ونظره غبيه كمان
لما الشاب ينظر إلى المال نظرة حريصة ونظره كلها بخل وطمع وحب للفلوس فاستحاله أنك تتوقع من هذا الشاب أن يستثمر جزءاً من أمواله في أمر معيّن أو شغل يفيده ويفيد بلده او يسعى لتطوير ذاته او تطوير بلده عن طريق المال اللي مخبيه وخايف عليه
واحنا عرفين أن المشاريع الناجحة بغض النظر عن حجمها هي مشاريع تحتاج لصرف أموال فكيف يريد ذلك الشاب اللي احنا غرزنا فيه حب المال وربيناه علي الطمع واكتساب المال دون جهد والخوف علي ضياعه من اقل سبب
أن يحقق النجاح في المشروع الذي يحلم به وهو حريص كل هذا الحرص على أمواله؟
يبقي اذاي مجمتعنا هينجح واذاي يبقي دول شباب المستقبل وحماه الوطن
واللي هيشيلوا اسم البلد بعدين
يبقي ليه نربي ولادنا ونعودهم علي حاجه غلط
اكيد احنا غفلانين عنها
بس مع الاسف لو قعدتوا وفكرتوا مع نفسكوا هتلاقو ان كلامي صح
وربنا يسترها علينا وعلي ولادنا
موضوع: اديني بوسه وانا اديلك قرش 