ما دريتوا ، فلان و فلانة بينهم شي !!

الســلآم عليـــكم ..~
~~

قال تعالى : ﴿ وَالَّذِينَ يُؤْذُونَ الْمُؤْمِنِينَ وَ الْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَ إِثْمًا مُبِينًا ﴾
صدق الله العظيم ..

ليش أعراض الناس قامت يُستخف فيها ، و الحكي يتناقل عن فلان و فلانة كآنه السلام عليكم ..
و نسوا إن هذا يندرج تحت مفهوم
"القذف" ..
لما انا اجيب طاري وحدة من الناس ، و أتكلم ان لها علاقة مع شاب ..
و أتناقل هالكلام ، و آخذها كـ تسلية و تضييع وقت سواء بالـ MSN أو برآ، و تكون هالبنت و هالشاب ما في بينهم أي شي ..
غير إن كلام من ناس ما تخاف ربها ، و من ناس عقولهم دنيّة و إيمانهم ضعيف ..
يرضون على بنات الناس اللي ما يرضونه على خواتهم أو وحدة من أهلهم !

الموضوع مو بسيط أبداً ..
الناس ما قامت تفكر بكلامها قبل لا تقوله ، و لا يتمعنون باللي يسووه..
يمكن البنت اللي تكلموا عنها لأنها محترمة نفسها و كافية شرها عن غيرها لقوها وحدة سهلة يتناقلوا عنها كلام ..
و سيرتها صارت موجودة بكل مكان ،
فلانة لها علاقة مع فلان ....
أو فلانة مشطبة و فارة على كل الشباب ...
أو فلان يكلم بنات ،

يا جماعة ..
اللي ما يرضى على نفسه ينقال عنه كلام ..
لا يرضاها على غيره ،
و الدنيا دوارة ..
اللي تتكلم فيهم اليوم ، باكر بيتكلمون فيك ..
و عند الله محد يضيع حقه ،
و ربك ما ينسى
: )

تأكد ..
إن أعراض بنات الناس ، و حتى الشباب ، مو سالفة تتكلم فيها إنت و ربعك ،
و حتى لو على بالك إن ما يوصل الحكي ..
صدقني ، يوصل ....
و يقدرون يتكلمون و يقولون لك حكي يفضحونك قدام الكل ، بس لأنهم مُحترمين على خلافك ، ساكتين : )

كلن يرى الناس بعين طبعه .. ما دريتوا ، فلان و فلانة بينهم شي !! Aa_smile

ما دريتوا ، فلان و فلانة بينهم شي !! Aa_smile

!

حتى لو ما تكون "إنت" بشخصك اللي مطلع الكلام و متهمهم ..
كونك إنت "نقلت" الحكي ، حتى لو بطريقة "مزح" أو مجرد حديث عادي ، أو سؤال إن إي فلانة و فلان بينهم شي ؟
هذا بحد ذاته حرام ..
و ما يجوز ..

حتى لو كنت تبي "تتأكد" من هالسؤال أو لتسد فضولك ،
إنت قاعد تلفت النظر لهالموضوع ، و تخلي الطرف الثاني يفكر بصحة كلامك ..
و تكون إنت دخلت بأخلاقهم ، حتى لو بطريقة السؤال و ليست التأكيد !
و هذا يدخل تحت مفهوم الغيبة بالإضافة لكونه قذف و مس شرف !
ما ننسى بعد كونه ينسف اللي بقا منك من احترام ،
و يخليك مشهور بصغر عقلك ، و قلة احترامك لنفسك قبل اللي حولك ..
و اذا إنت مطلع عن ناس حكي ، تهقا شبيكون موقفهم إذا وصلهم الحكي ؟
راح يسامحونك .. ؟

لأنك شوهت صورتهم ، و زرعت "فكرة" مجرد فكرة براس بعض الناس بكلامك ، و هالناس يمكن تقول "إي والله يمكن صادق" ..

قال تعالى ﴿ يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴾

و اذا أهم من طيب أصلهم راح يسامحونك ..
إنت راح تسامح نفسك ؟

~~~

أيام الرسول عليه الصلاة و السلام ،
القاذف كان يجلد 80 جلدة ..

{وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً
وَلَا تَقْبَلُوا لَهُمْ شَهَادَةً أَبَدًا وَأُوْلَئِكَ هُمُ الْفَاسِقُونَ* إِلَّا الَّذِينَ تَابُوا} سورة النــور (4) (5).

دنيتنا هذي ما راح نطلع منها بشي ،
مثل ما عشنا فيها بنهدها ،
و مثل ما نسوي فيها راح نحاسب عليه ،
لا يغيب عن بالكم ،
إن في ملايكة لكل واحد فينا ..
كل همسة كل حرف كل كلمة مسجّلة ،
صحف كلها أعمالك و كلامك ..
وش بيكون موقفك قدام ربك إذا سألك عن فلان اللي طعنت بعرضه و فلانة اللي تكلمت بشرفها و غيره ..
انت الحين اذا كنت من اللي يتكلمون بالناس ..
و إنتي الحين اذا كنتي من اللي يألفون حكي ،
مو خجلانين من نفسكم ؟
من ربكم ؟
ما دريتوا ، فلان و فلانة بينهم شي !! Aa_smile

﴿ يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ
أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ ﴾

عيب سيرة فلان و فلان تتناقل على ضحك و مهزلة و الكل ساكت ..
بالنت أو برا النت ،
لا تنسى إن ربك فوقك ..
و لا يغيب عن بالك إن "كلن يتعامل بأصله و تربية أهله" على فكرة يعني ..
و "كما تدين تدان" ..

محد فينا عارف متى يومه ،
و متى بتغمض عينه و ما تفتح ..
استغفر ربك اذا كنت من هالفئة و توب ، الدقايق تمشي .. و يمكن يفوت الفوت !
و بلش بإنك تصحح خطأك ..
و تعترف بغلطك ، و تحفظ اللي بقا من ماي وجهك و تعتذر

شي مو حلو تموت و غيرك شايل بقلبه عليك عدل ... ؟

شكرا علي الموضوع الجميل
والله معاكي الحق

» حصريا حيلهم بينهم كمان وكمان الحلقه الثالثه يستضيف الفنانه مها احمد تحميل مباشر وعلى اكثر من سيرفر
» !! الفرق بين الفيروس و الدودة و التورجان, كتير من الناس متعرفش الفرق بينهم
» ماهم القوتين الذى جمع بينهم رسول الله صلى الله علية وسلم