بتحب واحدة وعاوز تحافظ عليها ومتخلهاش تتخلى عنك

السلام عليكم ...

بتحب واحدة وعاوز تحافظ عليها ومتخلهاش تتخلى عنك ولا تبعد عنك ابدا يبقى التزم بما يلي

1- راعي الله فيها واتمنى لها ما تتمناه لاختك .. يعني تحبها بجد وتخاف عليها ومترضاش انها تعمل حاجة غلط عشان تنبسط سيادتك .. وخاف عليها زي ما بتخاف على اختك واكتر.

2- خليك حنين معاها وتعاملها بحنية مش تبقى قاسي .. بمعنى انك تسمعها وتحاول تفهم وجهة نظرها .. اقتنعت بيها اوكـ .. مقتنعتش خلاص .. وخلي دايما الفيصل بينك وبينها الدين .. يعني تشوف ربنا قال ايه وتعمله.

3- معظم البنات بيكونو عاوزين اللي بيحبوه راجل بمعنى الكلمة .. يعني يكون ليك شخصية مستقلة مش تابع لاي حد واللي يقولوه اصحابك تمام وانت ملكش كلمة ولا راي .. مش معنى كدا انك متاخدش راي اصحابك بس ميبقاش كل كلامك زيهم يعني من الاخر تسمع لهم بس اللي انت تشوفه صح تعمله مش اللي هما يقرروه .. فاهمني ؟؟

4- لو حصل موقف زعلك منها متتقمصش يا اخويا وتسبها او تقفل ف وشها التليفون او الاميل .. قولها انك زعلان منها عشان كذا وتديها فرصة تدافع عن نفسها وتوضح هيا تقصد ايه مش تدخل انت زي وكيل النيابة وترميها بالاتهامات وانتي وانتي ... الخ .. لا اسمعها للاخر وشوف هيا قصدها تزعلك ولا لا .. لانها ممكن تكون متدايقة وطلعت كلمة غصب عنها متبقاش رزل وتزعل لاي سبب كان.

5- لما تكلمها بعد فترة كدا مش شرط تكون طويلة حتى لو دقايق تقولها .. و ح ش ت ي ن ي .. مش عارف الوقت دا عدا من غيرك ازاي ان كنت حاسس اني وحيد من غيرك ... الخ الكلام اللي انتو عارفينو دا.

6- لو في مرة بتكلمها وحسيت انها متغيرة .. ممكن يكون في حاجة عندها في البيت مديقاها .. حاول تعرف منها سبب تغيرها .. وقولها مالك يا حبيبتي في ايه .. هتحكيلك باه ال ماما كذا - بابا كذا .... الخ .. تكلمها وتحاول تنسيها مشاكل البيت والعيلة .. وتدلعها على اد ما تقدر لحد ما تنسى حتى نفسها وتبقى فاكرة انها معاك وبس.. ومش هقولكم تقولوا ايه لان كل واحد ادرى بالكلام اللي بيرح حبيبته.

كفاية لحد هنا تعبت من كتر الكتابة

وياريت اللي عنده نصايح تاني يكتبها

تقبلوا تحياتي .. ويارب التوبيك يعجبكم

بجد مرسي يا بنوووووته علي الموضوع الجامد ده

ههههههههههههههههههههههههههه
مرسي يا بنوته وبجد موضوع جميل
لاكن انتي نسيتي حاجه جمده بجد
القسمه والنصيب
انا يمكن مكريت بيتجربه يعمي نقول علمتني شويه اني حبيت وحده وعملت معاهه كال الي انتي قولتي عليه واكتر
والموضوع وصل للاهل والكل كان مرحب وكل حاجه
لاكن سبحان الله
مفيش نصيب
ابوهه قالهه انا بحب احمد زي ابني
مش عريس لبينتي الموضوع ده مش هيكمل
وكده يبقي مفيش نصيب
صح؟؟؟؟؟
ولا

القسمة والنصيب دى مش بايدنا علشان كدة متكلمش فيها
ان بناقش اللى فى ايدك تعمله علشان منندمش
مرسى يا ميدووووووووو

مرسي ليك انتا يا قمر

والله موضوع رائع جدااا ميرسي كتير حبيبتي

علي فكره موضوعك جامد اوي اوي اوي

وياريت كل واحد بيحب واحده يعمل زي ما بنوته بتقول كده

ومتخليش حبيبتك تبعد عنك

الكل لازم يسمع الكلام
كيفو باشا قال تحافظ ع حبيبتك يبقى لازم تحاااااااااااااافظ

زائر

مرسى

تانكس ليكوا

هههههههههههه
اوكي يا بنوتي الحلوة احنا راح نسمع كلامك
واراح نفدوا حرفيا
كلمة بكلمة هيك احسن والله موضوع يجنن

تسلمولى على المرور

» بتحبك وعاوز تخطبها تتعالى وانا اخطبهاااااااالك
» لو بتحب مصر اكيد هتعمل كدة
» ازاي تعرف انك بتحب شخص بجد مميز جدا
» جاوب على الأسئلة دي وهنعرف لو كنت بتحب المنتدى ده ولا لا هههههههههههه
» 16 سؤال اذا جاوبت عليها بتكون عضو مميز.