عصافير وغربان وشجرة ****
والشجرة طيبة وخضره ****
حكمها الغراب بالجبروت والقدرة ****
وعاش عليها كانة حى مش هيموت ****
بيقول انا الخالد انا المعبود ****
انا اللى مافيش لظلمى حدود ****
انا اللى بايدى اعايشكم واموتكم****
واجوعكم واشبعكم واغنيكم وافقركم ****
انا اللى بايدى اعماركم ****
انا اللى الجنة فى يمينى ومن نارى بحزركم ****
لو تتكلم العصافير اوجة نارى لدياركم ****
بامرى باقول للعصفور على عشك ****
مهما تلف ولا تدور انا دايما واكل قرشك ****
وعينى عليكو بالمرصاد ولو يعلى فى يوم صوتك ****
هيبقى اليوم دا يوم موتك ****
وهبعت امرى للصياد ****
ومهما يكون ما بينكو شباب هابعت ليكو الف غراب ****
يوروكم سنين سودا وادواكم مرار وعزاب ****
وفجاة قامت العصافير بثورة فى ميدان التحرير ****
وهزو للغراب عرشو وكان الوضع جد خطير ****
كان العصفور بيحط قدام الرصاص صدرو ****
لا همو نار الغراب ولا بتشو ولا غدرو ****
وعشان تتحرر العصافير راح منهم ضحايا كتير ****
وضدو هتفت الجماهير ****
يرحل غراب البين ، يرحل غراب البين وكفايا هم سنين ****
دا ياما سمم دمنا وخرب وسرطن ارضنا وخصخص موارد حلمنا ****
وسرق فلوسنا وكتم نفوسنا وقتل شبابنا وطفلنا ****
ـــــــــــــــــــــــــــــــــــــــــــــــــــــــــــ ( الكاتب عربى زغلول)ــــــــــــــــــــــــــــــــــــــــــــــــ
موضوع: قصيدة عن مبارك والثورة بعنوان (عصافير وغربان وشجرة) 
